...cun ün güvel sur muntogna e mar per rivar ?

muond müt

i bilocca
böglia
giò da tschêl

biloc a biloc
ün sfrach
manzögnia

e tü be püffast

meis scrach
fanzögnia

Spettar

Spettar e bramar e star sco suen spinas e pensar "Uossa es il mumaint" e badair "Ah na, amo na". Spettar es alch schmaladi schi nu s'ha la nerva per star e dombrar las uras. "Gioda tantuena teis pos", dischna e nu san ch'ella nun es capabla da giodair pos. I sto girar alch, i sto ir inavant, i sto capitar alch. Ella nu po avair la calma, il dolce far niente, simplamaing l'esser qua. Ella nun ha mai imprais a giodair quist star perquai suot. E uossa es ella cundannada a spettar, vain bod ourd'clocca. Inchuen oter decida sur dal temp, sur dal dret mumaint, sur dal muedamaint. Hm. Schi spettain amo uen pa.

amura amara

cun passpensar
ün bütsch da splerin tanter tias spadlas
be fladà

üna natta.



bittere beere

im vorbeidenken
einen schmetterlingskuss zwischen deine schulterblätter
lufthauchsanft

ein brandmal.

Paraids alvas

Si'abitaziun è vid'ed abandunada
mo la maschina da lavar en in chantun
ed il telefon
che scalina.
El na sa betg, che nagin è a chasa.

hai semiau
ch’enzatgi hagi schubergiau
mia scaffa da brevs

Observaziuns d’in auditur:

ei dat ils oraturs silencius, ils sabiuts, ils impartinents, ils indiscrets, ils malinschigneivels, ils sabis, ils dormulents, quels che patiarlan dad ault, quels che scutinan, quels che targlinan, quels che serepetan, quels che svieschan, quels che calculeschan, quels che damondan, quels che interrumpan, ils impazients, ils tactichers, ils monotons, quels che motiveschan, quels che ornameschan, quels che enumereschan, ils selamentauners, ils moralists, ils solitaris, ils bandunai, ils disfamai, ils celebrai, ils smaledi, ils permalai, ils insultai, ils caots, ils temeletgs, ils plauns, ils pascheivels, ils patgifics, ils stuorns, ils leischens, quels che untgeschan, quels che simplificheschan, quels cun corns, ils ludauners, ils seludauners, ils pedants, ils dramaturgs, ils charmants, ils encantonts, ils fascinonts, ils cumplicai, quels che van silla gnarva, ils entusiasts, ils piars, ils mets