Il blog “Simplamain scriver” è in experiment. Nus vulain empruvar, quant bain che la publicaziun e la communicaziun davart litteratura funcziuna sur la rait. Il blog è in instrument fitg simpel per publitgar texts en il internet, ed en in blog pon auters commentar quai ch’els legian. Il blog è atgnamain in diari, en blogs scrivan persunas regularmain sur da lur vita. Noss blog duai avair in pau in autra funcziun, el è avert per tuts che vulan scriver. Ma forsa ch’el resta in diari, il diari da la litteratura rumantscha!
La furma da text è averta, poesias, texts curts, istorgias pli lungas, mo in pèr pleds – tut è pussaivel, tut è “simplamain scriver”.
Bun divertiment!
1 Kommentar:
Eu giavüsch a tuots chi sustegnan quista idea grandiusa buna creatività ed insperaziun ed al team 'simplamain scriver' bler success.
Schi, sün quista via nu cugnuoscha il rumantsch ün 'cunfin geografic'...
Kommentar veröffentlichen